نفى الفنان أحمد سعد أن يكون قصد توجيه أغنية “وسع وسع” للفنان محمد رمضان.
وقال أحمد سعد خلال لقائه في برنامج ABtalks مع أنس بوخش ردا على سؤال لمن وجه أغنية “وسع وسع”: “كل الناس لما نزلت الأغنية قالوا إني بكلم محمد رمضان بس دا مش حقيقي، الناس عايزة تعيش الحالة وبتحب الدراما، محمد حبيب قلبي وساعات بسمعه الأغاني قبل ما أنزلها”.
وتابع أحمد سعد: “مرة قابلته في اليونان وقلت له اسمع الأغاني دي وهو سمعني أغاني بس الناس بتحب تعيش الحالة وبنعيشهالهم، لكن مكنتش بوجهها لحد كنت عايز أعمل أغنية اسمها “وسع وسع”.
على جانب آخر، كان أحمد سعد أثار جدلا بعد حديثه عن برنامج The Voice ووصف ما تعرض له بالخداع.
وأضح أحمد سعد بعدها ما قصده من هذه التصريحات قائلا: “”كل الناس عمالة تسألني عشان التصريح اللي انا قولته على ذا فويس واني اتخدعت، انا مش طالع اتكلم على اي حاجة، أنا بكن كل الاحترام على كل القائمين على البرنامج وكل الناس اللي اشتركت من اصغر واحد لأكبر حد، ودا مالوش علاقة خالص بالشخصيات أو بالصناع، أنا بس طالع اتكلم عن نفسي أنا، عني أنا شخصيا”.
وتابع أحمد سعد: الناس هتقول ان انا لو كنت كسبت كانت الناس هتقول انا اتخدعت، الموضوع مالوش علاقة بالمكسب والخسارة، كل اللي كسب يستحق، اأنا بتكلم عن الغلطات اللي انا عملتها في حق نفسي وحق جمهوري، زي أحمد عوادي انا بقالي اكتر من شهر بتشتم بس من الجمهوراليمني، كل الحب والتقدير ليهم مع إن في ناس غلطت فيا بشكل غير مقبول، ولكن في النهاية برجع واقول لهم عندكم حق انا غلطت، غلطت في اختيارات كتير جدا مكنش المفروض اعمل كدة.
